சாரு நிவேதிதாவின் இரு நூல்கள் வெளியீடு

அந்தோனின் ஆர்த்தோ-ஒரு கிளர்ச்சிக்காரனின் உடல்

"தியேட்டர் ஆஃப் குருயல்டி", என்ற நாடகக் கோட்பாட்டை உருவாக்கிய ஃப்ரெஞ்ச் நாடகவியலாளர் அந்தோனின் ஆர்த்தோவை மையமாக வைத்து சாரு நிவேதிதா அவர்கள் எழுதியிருக்கும் நாடக நூல் வெளியாகியிருக்கிறது.

ஆர்த்தோவின் நாடகக் கோட்பாட்டின் மூலம்  உலகம் முழுவதும் இன்று நாடகங்கள் உருவாக்கப்படுகிறது. ஆனால் அவரை மையமாக வைத்து உருவாகியிருக்கும் நாடகங்கள் உலக அரங்கிலேயே மிகச் சொற்பம்தான். அவ்வகையில் தமிழில் வெளியாகியிருக்கும் முதல் நாடக நூல் இது.

ஆர்த்தோவைப் பற்றி அறியாதவர்களும் அவர் என்னவாக இருந்தார் என்பதை நாடகத்தில் உணர முடிகிறது. ஆர்த்தோவை உள்வாங்கி எழுதியிருக்கும் சாருவின் மொழிநடையில் நாமே ஆர்த்தோவாக உருமாறும் மாயம் நடந்துள்ளது.

ஐரோப்பா அழியப் போகிறது, இயற்கையிடம் சரணடையுங்கள் என்று எச்சரித்த கலைஞனை, மின்னதிர்ச்சி கொடுத்தே கொன்ற கொடூரத்தை அறிய மட்டுமல்லாமல், பொருளீட்டும் பேராசையில் இயந்திர கதியில் சென்றுக் கொண்டிருக்கும் நாம், நம் ஆன்மாவை இழக்காதிருத்தலின் அவசியத்தை உணர இந்நாடகத்தை வாசித்தல் அவசியமாகிறது.

நூல்              :அந்தோனின் ஆர்த்தோ-ஒரு    

                         கிளர்ச்சிக்காரனின் உடல்

விலை         : 120

வெளியீடு  : ஸீரோ டிகிரி பப்ளிஷிங்க்

புத்தகத்தை வாங்க:

https://tinyurl.com/Antonin-Artaud-oru

Conversations with Aurangzeb:A Novel

2021ம் ஆண்டு பிஞ்ச் செயலியில் எழுதி கடந்த ஆண்டு வெளியான "நான்தான் ஔரங்ஸேப்" நாவலின் ஆங்கில மொழிபெயர்ப்பு இது.

தமிழில் வெளிவந்த சமயத்திலேயே ஒரு சலசலப்பை நாவல் ஏற்படுத்தியிருந்தது. ஆங்கிலத்தில் நாவல் வெளிவரும் முன்னே இந்திய அளவில் கவனத்தைப் பெற்றுள்ளது.

வரலாற்றை திரித்து, தங்களது கதையாடல்களுக்கேற்ப மாற்றியமைத்து மக்களைக் குழப்பும் வேலையில் பலர் ஈடுபட்டிருக்கும் தற்போதைய சூழலில் வரலாற்றை புனைவிற்கான களமாகக் கொண்டு ஆடியிருக்கிறார் சாரு நிவேதிதா.

ஔரங்ஸேபை வில்லனாகச் சித்தரித்து பிரச்சாரங்களை மேற்கொண்டு வரும் சூழலில் அவரை நாயகனாக வைத்து எழுதியிருக்கும் இந்நூல், வரலாற்றின் பன்முகங்களை ஆராய்ந்து நோக்கும் அவசியத்தினை வலியுறுத்தும் வகையில் முக்கியத்துவம் பெறுகிறது.

சில கதாப்பாத்திரங்களைச் சேர்த்தும், திருத்தியும் செப்பனிட்டு ஆங்கில மொழிபெயர்ப்பில் வரும் அக்டோபர் 20ம் தேதி வெளிவரவிருக்கிறது. Invisible Men என்ற நூலை எழுதிய நந்தினி கிருஷ்ணன் அவர்களின் முதல் மொழிபெயர்ப்பு நூலும் இதுவே.

நூல்              : conversations with Aurangzeb: A Novel

விலை         : 599

வெளியீடு  : HarperCollins 

மொழிபெயர்ப்பு : நந்தினி கிருஷ்ணன்

புத்தகத்தை வாங்க:

https://www.amazon.in/Conversations-Aurangzeb-Novel-Charu-Nivedita/dp/9356993920